पुरुषांनी,पुरुषांसाठी, पुरुषांमार्फत चालवलेली समाजशासन व्यवस्था...

देशात झालेल्या १५ व्या जनगणनेचा `जनगणना-२०११’ अहवाल नुकताच जाहीर झाला आहे. या अहवालाने स्त्रियांच्या सुरक्षीतेवर पुन्हा प्रश्नचिन्ह निर्माण केलेले आहे. आईचा गर्भ हा तीच्या अपत्यासाठी सुरक्षीत असतो. या लेखाच्या वाचनानंतर आपली ही समजूत खोटी ठरल्यास त्यात काही वावगं नाही. या अहवालात ० ते ६ वयोगटातील १५ कोटी, ८८ लाख बालके देशात असून या वयोगटातील मुला व मुलींचे असलेली असमान आकडेवारी ही काळाची डोकंदुखी ठरणारी असल्याचं दिसून येत आहे. देशातील मुलींची आकडेवारी जवळ-जवळ सर्वच मोठ्या राज्यात भयावह पध्दतीने घटलेली दिसून येते. यात महत्वाची नोंद घेण्याजोगी बाब आहे जी मला आपणांस प्रकर्षाने येथे सांगावी वाटते ती बाब म्हणजे २९ लाख,६७ हजार,३७६ इतक्या मुली गेल्या दशकात गर्भपात करुन ठार केल्या गेल्यात. महाराष्ट्र राज्यात हा आकडा ४ लाख, ५५ हजार, ३६ एवढा आहे. १००० पुरुषांमागे महाराष्ट्रात ९२२ एवढ्या स्त्रिया आहेत. सरकारी आकडेवारीनुसार महाराष्ट्र राज्यात जवळ-जवळ ८००० सोनोग्राफी (गर्भजल परिक्षण यंत्र) मशिन्स कार्यरत आहेत . दररोज अंदाजे १३० मुली गर्भ स्वरुपातच लिंग निदान व निवड करुन ७५००हून अधिक वैद्यकीय क्षेत्रातील गुन्हेगार हजारो कोटींची उलाढाल करुन मारत आहेत,अशी धक्कादायक माहिती लेक लाडकी अभियानाच्या प्रवक्त्या वकील वर्षा देशपांडे व कार्यकर्ते साबू जॉर्ज यांनी एका पत्रकार परिषदेत नुकतीच दिली होती. माननीय महाराष्ट्र राज्याने १९८८ मध्ये गर्भलिंग निदान प्रतिबंधक कायदा राज्यात लागू केला आहे. मागील जनगणनेचा(२००१) विचार केला असता महाराष्ट्रातील परिस्थिती ही चिंताजनकच आहे. कायदे, कारवाया, जाहिराती, समाज प्रबोधन यांसारख्या कार्यक्रमांची सरबत्ती शासनाकडून होत असतांना लिंग-गुणोत्तरात ऎवढा भेद कसा..? असा प्रश्न आपल्यासमोर उभा होऊन ठाकलेला आहे. रत्नागिरी,सिंधदुर्ग व गोंदिया या जिल्हांनी आपले वर्चस्व कायम राखले आहे. हजारी पुरुषांमागे रत्नागिरी जिल्ह्यात ११२३ ऎवढ्या स्त्रियांचे प्रमाण २०११ च्या जनगणनेत नोंदल्या गेलेले असुन ते प्रथम स्थानवर आहे . तर १०३७ स्त्रिया १००० पुरुषांमागे सिंधदुर्ग जिल्ह्यात नोंदल्या गेलेल्या असुन दुस-या स्थानावर आहे . तर तिसरे स्थान गोंदिया जिल्हाने ९९६ नॊंदवुन पुन्हा जसेच्या तसे राखले आहे. आपल्या खान्देशाची आकडेवारी तर माझ्या लिखाणाची प्रेरणा ठरली. स्थानिक स्वराज्य संस्थानमध्ये झालेल्या ५० टक्के महिला आरक्षणाच्या घोषणेची अंमलबजावणी जळगाव जिल्ह्यापासुनच होणार आहे. अशा जिल्ह्यातील महिलांचे घटते जन्मदर ही नक्कीच आपल्यासाठी डोकेदुखीचा प्रश्न ठरु शकतो. ४२ लक्ष,२४ हजार, ४४२ ऎवढी जिल्ह्याची एकूण लोकसंख्या. त्यापैकी २१ लक्ष,९७ हजार,८३५ ऎवढी पुरुषांची तर २० लक्ष, २६ हजार,६०७ ऎवढी महिलांची संख्या मोजल्या गेलेली आहे. जळगाव जिल्हातील स्त्रियांचा जन्मदर दर हजारी पुरुषांमागे ९२२ ऎवढा नोंदविला गेला आहे. आकडेवारीचा विचार केला असता जिल्ह्याचा २८ वा क्रमांक लागलेला आहे. स्मिताताई वाघ,अस्मिता पाटील,मधुभाभी जैन, तनुजा तडवी,ललिता पाटील, सरोजनीताई गरुड यांसारख्य मातब्बर महिला प्रतिनिधी जिल्हाच्या राजकारणात सक्रीय असतांना जिल्ह्यातील स्त्रियांची होणारी गळती नक्कीच शरमेची बाब आहे. स्व.भागिरीथीबाई गरुड, माननीय राष्ट्रपती प्रतिभाताई पाटील यांचा आदर्श असलेल्या आपल्या खान्देशातील ही अवस्था सामाजिक विषतेला खत-पाणी घालणारी तसेच अनैसर्गिक आहे. दिपावलीच्या सणाला दिवा किंवा पणती मागणारी व प्रज्वलित करणारी प्रवृत्ती आपल्याला सहज आढळून येते मात्र वंशाला पणतीच हवी अशी मागणी करणारा समाज आणि मानसिकता आपल्याकडे अजूनही का तयार झालेली नाही हा चिंतनाचा विषय आहे . पुरुषांनी,पुरुषांसाठी, पुरुषांमार्फत चालवलेली समाजशासन व्यवस्था अजुन कुठल्याही संस्कृती इतिहासात निर्माण झालेली नाही. मग का हा अट्टहास..? आज संधी नागरी समाजाचा पाया हा सामाजिक समतेवर अवलंबून अस. सामाजिक समता ही अधिकारांची विभागणी, त्या शासन व्यवस्थेत असणा-या महिला व पुरुषांची संख्या यांवर अवलंबून असतो. आपल्याला विकासाचा मापदंड ठरणारा खान्देशचे (जिल्हा) पूर्ननिर्माण करायचे आहे . ज्यासाठी (गर्भातील) महिलांची होणारी हत्या थांबवाविच लागेल. दुषीत विचार सोडावाच लागेल. समाजातील प्रत्येक समस्या कायद्याने सोडवता येत नाही. किंवा कायदा हा प्रत्येक. समस्येचे समाधान किंवा साध्य होऊ शकत नाही .

अनुक्रमांक	जिल्ह्याचे नाव	स्त्रियांचे प्रमाण(१००० पुरुषांमागे)
१	रत्नागिरी	११२३
२	सिंधुदुर्ग	१०३७
३	गोंदिया	९९६
४	नंदुरबार	९७२
५	धुळे	९४१
६	जळगाव	९२२